ບ້ານ ແສນເງິນ ເມືອງໃໝ່ ແຂວງຜົ້ງສາລີ ຈັດງານບຸນກິນຈຽງ ສົ່ງທ້າຍປີເກົ່າຕ້ອນຮັບປີໃໝ່ ຂອງເຜົ່າອາຄາ ໃນວັນທີ 19 ທັນວາ 2023,ໂດຍມີບັນດາການນຳຂັ້ນແຂວງ, ເມືອງ ອາດີດການນຳຂັ້ນແຂວງ, ພ້ອມດ້ວຍນັກທຸລະກິດ, ພໍ່ຄ້າ-ຊາວຂາຍ ແລະ ປະຊາຊົນບ້ານອ້ອມຂ້າງເຂົ້າຮ່ວມຢ່າງຄຶກຄື້ນ.
ງານສົ່ງທ້າຍປີເກົ່າຕ້ອນຮັບປີໃໝ່ ແມ່ນບຸນປະຈຳປີຂອງເຜົ່າອາຄາ, ເປັນສັນຍາລັກແຫ່ງຄວາມສາມັກຄີ, ຄວາມຜູກໝັ້ນໃນວົງສາຄະນາຍາດຂອງປະຊາຊົນເຜົ່າອາຄາ ທີ່ຢູ່ຫ່າງໄກ ໄດ້ມາພົບປະສ້າງສັນ ແລະ ເພື່ອເຮັດພິທີກຳລະນຶກເຖິງບັນພະບູລຸດຂອງວົງສາຄະນະຍາດຕົນ, ເຊິ່ງເຈົ້າກົກເຈົ້າເຫລົ່າ ໄດ້ນຳພາເຜົ່າອາຄາ ຈັດບຸນກິນຈຽງ ທີ່ຍິ່ງໃຫຍ່ຂຶ້ນມາແຕ່ດົນ
ນານ ແລະ ມີຄວາມໝາຍຄວາມສຳຄັນທີ່ສ່ອງແສງເຖິງຮີດຄອງປະເພນີ, ວັດທະນະທຳອັນດີງາມຂອງຊົນເຜົ່າລາວ ໂດຍສະເພາະແມ່ນເຜົ່າອາຄາ ທີ່ມີເອກະລັກສະເພາະຂອງເຜົ່າເຊັ່ນ: ການຂັບລຳ, ຕີໝາກຂ່າງ. ການຈັດງານຄັ້ງນີ້: ແມ່ນເພື່ອສະຫຼຸບຜົນສຳເລັດການຈັດຕັ້ງປະຕິບັດວຽກງານຮອບດ້ານໃນໄລຍະ 1 ປີຜ່ານມາ ຂອງປະຊາຊົນເຜົ່າອາຄາ ພ້ອມທັງວາງທິດທາງແຜນການໃສ່ຊຸມປີຕໍ່ໄປ, ເພື່ອເປັນບ່ອນອີງໃຫ້ແຜນພັດທະນາເສດຖະກິດ-ສັງຄົມຂອງປະຊາຊົນອາຄາ ກໍຄືຂອງເມືອງວາງອອກ ໃຫ້ມີການຂະຫຍາຍຕົວຢ່າງຕໍ່ເນື່ອງ ເຮັດໃຫ້ຊີວິດການເປັນຢູ່ຂອງປະຊາຊົນທຸກຊັ້ນຄົນ ມີວຽກເຮັດງານທຳ ອັນແນ່ນອນ, ສ້າງລາຍຮັບເຂົ້າສູ່ຄອບຄົວ ໃຫ້ນັບມື້ຫຼາຍຂຶ້ນເພື່ອຫຼຸດພົ້ນອອກຈາກຄອບຄົວທຸກຍາກກາຍເປັນຄອບຄົວຮັ່ງມີເທື່ອລະກ້າວ ແລະ ສ້າງຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ ໃຫ້ໜັກແໜ້ນ, ພ້ອມກັນປົກປັກຮັກສາຮີດຄອງປະເພນີ ແລະ ວັດທະນະທຳ ອັນດີງາມຂອງຊາດໄວ້ໃຫ້ຍືນຍົງຄູ່ກັບອາຄາ ຕະຫຼອດໄປ.
ໂອກາດນີ້, ທ່ານ ຕືຮື ນາຍບ້ານແສນເງິນ ກໍໄດ້ກ່າວອວຍພອນປີໃໝ່ໃຫ້ປະຊາຊົນ ໂດຍສະເພາະ ກໍແມ່ນເຜົ່າອາຄາ ຈົ່ງມີສຸຂະພາບແຂງແຮງ, ອາຍຸໝັ້ນຍືນນານ, ເປັນຫຼັກແຫຼ່ງໃນການເຕົ້າໂຮມຄວາມສາມັກຄີປອງດອງປະຊາຊົນ ໃຫ້ເປັນປຶກແຜ່ນແໜ້ນໜາ ເພື່ອພ້ອມກັນປົກປັກຮັກສາ, ສ້າງສາພັດທະນາປະເທດຊາດ ໃຫ້ກ້າວຂຶ້ນຢ່າງບໍ່ຢຸດຢັ້ງ, ຂໍອວຍພອນໄຊໃຫ້ບຸນກິນຈຽງຂອງພີ່ນ້ອງອາຄາ ຈົ່ງເປັນບຸນແຫ່ງຄວາມເບີກບານມ່ວນຊື່ນ, ເປັນບຸນແຫ່ງຄວາມສຸກສົມຫວັງ. ຂ່າວ-ພາບ: ວັນວິໄລ
ງານສົ່ງທ້າຍປີເກົ່າຕ້ອນຮັບປີໃໝ່ ແມ່ນບຸນປະຈຳປີຂອງເຜົ່າອາຄາ, ເປັນສັນຍາລັກແຫ່ງຄວາມສາມັກຄີ, ຄວາມຜູກໝັ້ນໃນວົງສາຄະນາຍາດຂອງປະຊາຊົນເຜົ່າອາຄາ ທີ່ຢູ່ຫ່າງໄກ ໄດ້ມາພົບປະສ້າງສັນ ແລະ ເພື່ອເຮັດພິທີກຳລະນຶກເຖິງບັນພະບູລຸດຂອງວົງສາຄະນະຍາດຕົນ, ເຊິ່ງເຈົ້າກົກເຈົ້າເຫລົ່າ ໄດ້ນຳພາເຜົ່າອາຄາ ຈັດບຸນກິນຈຽງ ທີ່ຍິ່ງໃຫຍ່ຂຶ້ນມາແຕ່ດົນ
ນານ ແລະ ມີຄວາມໝາຍຄວາມສຳຄັນທີ່ສ່ອງແສງເຖິງຮີດຄອງປະເພນີ, ວັດທະນະທຳອັນດີງາມຂອງຊົນເຜົ່າລາວ ໂດຍສະເພາະແມ່ນເຜົ່າອາຄາ ທີ່ມີເອກະລັກສະເພາະຂອງເຜົ່າເຊັ່ນ: ການຂັບລຳ, ຕີໝາກຂ່າງ. ການຈັດງານຄັ້ງນີ້: ແມ່ນເພື່ອສະຫຼຸບຜົນສຳເລັດການຈັດຕັ້ງປະຕິບັດວຽກງານຮອບດ້ານໃນໄລຍະ 1 ປີຜ່ານມາ ຂອງປະຊາຊົນເຜົ່າອາຄາ ພ້ອມທັງວາງທິດທາງແຜນການໃສ່ຊຸມປີຕໍ່ໄປ, ເພື່ອເປັນບ່ອນອີງໃຫ້ແຜນພັດທະນາເສດຖະກິດ-ສັງຄົມຂອງປະຊາຊົນອາຄາ ກໍຄືຂອງເມືອງວາງອອກ ໃຫ້ມີການຂະຫຍາຍຕົວຢ່າງຕໍ່ເນື່ອງ ເຮັດໃຫ້ຊີວິດການເປັນຢູ່ຂອງປະຊາຊົນທຸກຊັ້ນຄົນ ມີວຽກເຮັດງານທຳ ອັນແນ່ນອນ, ສ້າງລາຍຮັບເຂົ້າສູ່ຄອບຄົວ ໃຫ້ນັບມື້ຫຼາຍຂຶ້ນເພື່ອຫຼຸດພົ້ນອອກຈາກຄອບຄົວທຸກຍາກກາຍເປັນຄອບຄົວຮັ່ງມີເທື່ອລະກ້າວ ແລະ ສ້າງຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ ໃຫ້ໜັກແໜ້ນ, ພ້ອມກັນປົກປັກຮັກສາຮີດຄອງປະເພນີ ແລະ ວັດທະນະທຳ ອັນດີງາມຂອງຊາດໄວ້ໃຫ້ຍືນຍົງຄູ່ກັບອາຄາ ຕະຫຼອດໄປ.
ໂອກາດນີ້, ທ່ານ ຕືຮື ນາຍບ້ານແສນເງິນ ກໍໄດ້ກ່າວອວຍພອນປີໃໝ່ໃຫ້ປະຊາຊົນ ໂດຍສະເພາະ ກໍແມ່ນເຜົ່າອາຄາ ຈົ່ງມີສຸຂະພາບແຂງແຮງ, ອາຍຸໝັ້ນຍືນນານ, ເປັນຫຼັກແຫຼ່ງໃນການເຕົ້າໂຮມຄວາມສາມັກຄີປອງດອງປະຊາຊົນ ໃຫ້ເປັນປຶກແຜ່ນແໜ້ນໜາ ເພື່ອພ້ອມກັນປົກປັກຮັກສາ, ສ້າງສາພັດທະນາປະເທດຊາດ ໃຫ້ກ້າວຂຶ້ນຢ່າງບໍ່ຢຸດຢັ້ງ, ຂໍອວຍພອນໄຊໃຫ້ບຸນກິນຈຽງຂອງພີ່ນ້ອງອາຄາ ຈົ່ງເປັນບຸນແຫ່ງຄວາມເບີກບານມ່ວນຊື່ນ, ເປັນບຸນແຫ່ງຄວາມສຸກສົມຫວັງ. ຂ່າວ-ພາບ: ວັນວິໄລ
ຄໍາເຫັນ